طول عمرك هنا فى القلب متكونه

مصر هنا .. مصر هناك

مصر قدامك ووراك

أوعى تفكر إنها تاهت ولا حتى راح تنساك

مصر موجوده جواك

وإذا كان فيها شويه فساد

ولصوص بيرموا على الغلابه الشباك

بص من الشباك

هتلاقى ابنك واخوك بيلعبوا

وضحكتهم بتقول احنا معاك

هتلاقى ابوك ساعه الشده واقف وياك

وزى ما بتقول إبتسام

بص فى المرايه .. وصلح اللى انكسر جواك

وخد بنصيحه إبراهيم .. وأفتح القرآن

هتلاقى مصر فى كل مكان

صدفه شافتها على شط الميه

بتغسل الفستان

وبتبعد بإيمانها الحيتان

مصر أنت وانا وهما وهى والجيران

مصر عمرها ماتضيع

حتى لو اتقلب جواها الميزان

عارف ليه .؟

لأنها مذكورة فى القرآن

علشان بنحبها .. وإن كانت مره قاسيه علينا

دى قساوه أم على ولادها

والأم دايما نبع الحنان

مصر هنا يابن الحلال .